Ave o Vergjne, us saludi,
come l’agnul ancje jo;
ave, o plene d’ogni gracie
il Signôr al è cun vô!

Daimi, daimi une cjalade
cun chel vôli plen d’amôr;
o gran Mâri inmacolade,
o colombe dal Signôr.

Biele l’albe matutine,
biel un agnul dal Signôr;
ma vô, Vergjne divine,
o sês biele plui di lôr.

Faisi dongje, cjare mâri,
cun chel uestri biel bambìn;
che’o lu cjali, che’o lu tocj,
che’o lu bussi, chel ninìn.